"Бүгін мен Қазақстан Республикасының Президентімен телефон арқылы сөйлестім. Рим мен Астана арасындағы екіжақты қарым-қатынастардың жоғары деңгейі әңгіме болды. Болашақта да осы қатынас нығайып, ортақ жоспарларымыз жүзеге асады деген сенімдемін. Президент Тоқаев итальяндық тарапқа Эмилия-Романьядағы су тасқынынан зардап шеккендерге байланысты көңіл айтты. Қолдауыңыз үшін ризашылығымды білдіремін, - деп жазды Джорджа Мелони Twitter парақшасында.
Бұған дейін Қасым-Жомарт Тоқаев Италия премьер-министрі Джорджа Мелонимен телефон арқылы сөйлесті. Тоқаев Эмилия-Романья аймағындағы жойқын су тасқыны салдарынан адамдардың қаза болуына байланысты бүкіл Италия халқына көңіл айтты.
Италиядағы су тасқыны салдарынан 300-ден астам көшкін түсіп, 500-ден астам жол жабылды. Өңірлерде халыққа көмек көрсету үшін 1200-ге жуық ерікті жұмыс істеп жатыр, 36 мың адам үйлерін тастап кетуге мәжбүр болды.
