30 қыркүйектегі жағдай бойынша Кентау жылу электр орталығындағы қазандық агрегаттарында жұмыстың 85%-ы аяқталған. Бұл жөнінде Энергетика министрлігінің, Атом және энергетикалық бақылау және қадағалау комитетінің, Түркістан облысы әкімдігінің басшыларының, сондай-ақ мердігер ұйымдардың басшыларының қатысуымен өткен кеңесте белгілі болды.
"Талқылау қорытындысы бойынша зауыттарда дайындалған қажетті жабдықты жеткізу мерзімдерін, сондай-ақ қосымша көтеру тетіктерін тартуды ескере отырып, жұмыс кестесіне өзгерістер енгізілді".Энергетика министрлігі
Ведомство қазандықтарды іске қосудың жаңа мерзімі белгіленгенін, 20 қазаннан бастап қосылатынын атап өтті.
Министрліктің хабарлауынша, қалада 4,7 км магистральдық жылу трассасы ауыстырылды. Сондай-ақ станцияда № 8, 9, 10, 11 қазандықтарға күрделі жөндеу жүргізілуде. Барлық бөлшектеу және дайындық жұмыстары жүргізілді, бірақ жаңа дайындалған жабдық станцияға әлі жеткізілген жоқ.
"Монтаждау операцияларын орындау мерзімі айналмалы жабдықтың, бекіту арматурасының және бірқатар қыздыру беттерінің жеткіліксіз жеткізілуіне байланысты кейінгі мерзімге ауыстырылады. Кестеден нақты артта қалу 14-тен 30 күнге дейін".Энергетика министрлігі
Жылыту маусымының басталуы 25 қазаннан бастап 4 қазандықтың құрамында жоспарланған.
