Алдын ала қорытындыға сай, балалар сапасыз тағамнан уланған. Мамандандырылған мектеп-интернатында оқитын жеткіншектерде жүрек айну, асқазан мен іш ауруы байқалған.
Олар жедел түрде ауруханаға жеткізілді. Санитарлық-эпидемиологиялық орталықтың мамандары оқушыларға берілген таңғы, түскі және кешкі астан алынған сынаманы сараптамаға жіберген. Жағдай ішкі істер органдарының бақылауында.
Тергеу барысында анықталғандай, балаларға берілген ас санитарлық- гигиеналық нормаларға сай келмеген, деп жазады qazaqstan.tv.
Аудандық прокуратура Өзбекстан қылмыстық кодексінің 186-шы бабы 4 -ші тармағымен іс қозғады.
Аталған бап қауіпсіздік талаптарына сай келмейтін өнімді сақтау мен жеткізудің ауыр салдарға алып келуі дерегін қарастырады.