Әнші cу тасқынымен күресіп жатқан құтқарушыларға алғыс айтып, олармен суретке түсті. Мұндай сәтті бақытына балаған құлсарылық азамат әлеуметтік желідегі парақшасы арқылы тікелей эфирге шықты.
"Міне, Димаш құрдасым келіп қалды! Сені көріп шаршағаным, белімнің ауырғаны басылып қалды. Саған Алла разы болсын", - дейді ол тебірене.
Димаш оның арқасынан қағып, көпке тілек айтты.
"Ел аман, жұртымыз тыныш болсын. Бүкіл қайғылы күндер осымен кетсін. Болашағымыз жарқын болсын, үлкендеріміз аман болсын, кішкентайларымыз өсіп-өнсін", - дейді әнші.
Айта кетсек, бұған дейін Димаш Құдайберген туған жері - Ақтөбеде болып, қайырымдылық қорына 15 млн теңге аударған болатын.