Бұрын хабарланғандай, Бишімбаев пен Байжановқа қатысты қылмыстық іс апелляциялық сотқа жіберілді. Судьяның 11 маусымдағы ұйғарымымен іс 2024 жылдың 26 маусымында сағат 10.00-ге қаралды.
"Қоғамның сот процесіне қызығушылығының артқанын ескере отырып, апелляциялық сатыдағы сот отырыстарын тікелей эфирде өткізуді жалғастыру туралы шешім қабылданды", - деп хабарлады Жоғарғы Сот.
27 мамырда елордалық сотқа Қуандық Бишімбаев пен Бақытжан Байжановқа қатысты бірінші инстанция сотының үкіміне апелляциялық шағым түскені белгілі болды. Кейін Бишімбаевтың адвокаты өтініштің мәнін айтты.
2024 жылы 13 мамырда Қуандық Бишімбаев 24 жылға, Бақытжан Байжанов төрт жылға бас бостандығынан айырылды.
