Сауда-саттықтың қорытындысы бойынша доллардың орташа сараланған бағамы 0,70 теңгеге көтеріліп, 481,22 теңгені құрады.
Қытай юанінің бағамы 0,11 тармаққа төмендеп, 67,48 теңгені құрады.
Ақша айырбастау орындарында доллар 480,7-482,9 теңгеге, еуро 534,5-539 теңгеге, ресей рублі 5,15-5,27 теңгеге сатылуда.
Ал 28 тамыздағы сауда барысында әлемдік мұнай бағасы көтеріліп жатыр.
Осылайша, Brent маркалы мұнай фьючерстері барреліне 8 центке қымбаттап, 79,63 долларды құрады.
АҚШ-тың West Texas Intermediate мұнай фьючерстері 7 центке көтеріліп, барреліне 75,60 долларды құрады.
28 тамыз күні таңертең Ұлттық банк доллар бағамын 480,59 теңге, еуроны 536,58 теңге, рубльді 5,26 теңге деп бекітті.