Депутат газ бен коммуналдық қызметтерге тарифтердің жоғары болуы отандық өндірушілер үшін маңызды мәселелердің бірі және елеулі экономикалық тәуекелдер тудырады деп санайды.
"Өндірістік қызметпен айналысатын, шикізатты қайта өңдеумен айналысатын, тауарларды өндіретін және оларды одан әрі өткізу мақсатында қызмет көрсететін отандық кәсіпорындардың алдында тұрған негізгі мәселелердің бірі газ бен коммуналдық қызметтерге жоғары тарифтер. Соңғы жылдары табиғи газ тарифтерінің өсуі тұрақты үрдіс болды. Сонымен қатар, соңғы екі жылда газ бағасы 200%-дан астамға өсті, бұл шағын және орта кәсіпкерлік субъектілерінің қаржылық жүктемесін айтарлықтай қиындатады", – деді Амангелді Нұғманов.
Сондай-ақ ол бекітілген тарифтік жүйе жүктемені әділетсіз бөлуге әкеліп соқтыратынын баса айтты.
Сенатордың айтуынша, дер кезінде шаралар қабылданбаса, кәсіпорындардың өндірістік белсенділігі төмендеп, аймақтардың әлеуметтік-экономикалық жағдайына кері әсер ету қаупі бар.
"Индустриалды-арнайы экономикалық аймақ тұрғындары тарифтерді қайта қарауға және коммуналдық қызметтерге жеңілдік жағдайларын беруге қол жеткізген, электр энергиясы тарифін төмендетуге мүмкіндік берген Шымкенттегі тәжірибеге ұқсас тәжірибені қолдану қажет. Бұл әдіс тиімді екенін дәлелдеді және оны бүкіл ел бойынша кеңейту қажет. Бұл шараларды қабылдау кәсіпкерлерге өз қызметінің тиімділігін арттыруға, жоғары өнімділікті, бәсекеге қабілеттілікті және жұмыс орындарын сақтауға мүмкіндік береді, сондай-ақ болашақ инвестициялар үшін тартымды және қолайлы жағдай жасайды", — деді Амангелді Нұғманов.
2024 жылдың 10 қыркүйегінде Қазақстанда коммуналдық қызметтердің тарифтеріне жаңа тәсіл енгізілетіні белгілі болды.