Құзырлы мекеме қаңтар айындағы ҰБТ-ға өтініштерді қабылдау 30 желтоқсанда сағат 23:59-да аяқталатынын еске салды.
"Осыдан кейін тестілеу пунктін, күнін және уақытын өзгерту мүмкін болмайды. Бейіндік пәндер мен тестілеу тілін таңдауға өзгерістер енгізу Сіздің тестілеу күніңіз басталғанға дейін 24 сағат бұрын мүмкін болады. Тіркелу кезінде өте мұқият болуыңызды сұраймыз", делінген хабарламада.
Қаңтардағы ҰБТ-ға қатысу үшін өтініштерді қабылдау 2024 жылғы 20 желтоқсанда басталды. Ұлттық бірыңғай тестілеуге Ұлттық тестілеу орталығының сайты немесе UTO қосымшасы арқылы тіркелуге болады. Тестілеудің өзі 2025 жылдың 10 қаңтарынан 10 ақпан аралығына дейін өткізіледі.