Жәбірленуші қаладағы дүкендердің бірінде сауда жасап жүрген кезде ақ түсті iPhone телефоны ұрланғанын хабарлады.
Қаскүнемнің әрекетінен келген шығын көлемі 700 мың теңгені құрады. Тәртіп сақшылары бұл оқиғаны сараптап, Қазақстан Республикасы Қылмыстық кодексінің 188-бабы (Ұрлық) бойынша іс қозғады.
Жедел-іздестіру шаралары барысында полиция қызметкерлері күдіктіні – 44 жастағы ер адамды анықтап, қолға түсірді. Тергеу амалдары жалғасуда.
Ұрланған телефон айғақ зат ретінде алынып, өзінің заңды иесіне қайтарылды.
Астана қаласы полиция департаменті азаматтарға жеке мүліктеріне мұқият қарап, сақтық шараларын ұмытпауға шақырады.
Кез келген мүлікке қырағылық таныту және оны қорғауға жауапкершілікпен қарау арқылы осындай оқиғалардың алдын алуға болатынын еске салады.