Айлакер өзін көліктерді бағасының жартысына алып бере алатын адам ретінде таныстырып, азаматтарды сендіріп, оларды банктерден несие алуға мәжбүрлеген.
Алаяққа сеніп қалған жәбірленушілер жалпы сомасы 26 миллион теңгені қолына ұстатқан. Алайда көп ұзамай, оның уәделерінің бос сөз екенін түсінген азаматтар құқық қорғау органдарына жүгінген. Тергеу барысында анықталғандай, ол қаражатты өз қажетіне жұмсап үлгерген.
"Сот үкімімен алаяқ ҚР Қылмыстық кодексінің 190-бабы бойынша кінәлі деп танылып, 4 жылға бас бостандығынан айырылды. Сонымен қатар ол Семей қаласындағы қауіпсіздігі аралас мекемеде жазасын өтеп, келтірген 26 миллион теңге шығынды толық өтеуге міндеттелді", - деп хабарлады полиция.
Қазіргі уақытта сотталған азамат мекемеде тұлғалық зерттеуден өтіп, түзету жұмыстарына белсенді қатысып жатыр. Мекеме бастығының орынбасары Айдын Калеловтың айтуынша, ол жұмыспен қамту туралы өтініш білдіріп, туыстарымен байланысын сақтап келеді.
