Қорғаныс министрлігі бұл суретті 2025 жылдың 20 ақпанында Telegram каналында бөлісті.
Сурет: Telegram/modgovkz
"Ұлы Отан соғысындағы Жеңістің 80 жылдығына арналған ресми логотип", – делінген Қазақстан Республикасы Қорғаныс министрлігінің жарияланымындағы жазбада.
3 қаңтарда "Ana tili" газетіне берген көлемді сұхбатында Мемлекет басшысы Қасым-Жомарт Тоқаев Ұлы Жеңістің 80 жылдығын мерекелеу 2025 жылдың мемлекеттік күн тәртібінде маңызды орын алатынын айтты. Атап айтқанда, президент Астанада өтетін әскери парадты жариялады.
Кейін Қазақстан үкіметі 2025 жылы Ұлы Отан соғысындағы Жеңістің 80 жылдығына дайындық және мерекелеу жөніндегі "Ұлы Жеңіс: Ерлікке тағзым, ұрпаққа ұлғы" іс-шаралар жоспарын бекітті. Құжатқа сәйкес, Ұлы Отан соғысындағы Жеңістің 80 жылдығына және Отан қорғаушылар күніне арналған әскери шеру 2025 жылғы 7 мамырда өтеді.
Қазақстанда коронавирус инфекциясының таралу қаупіне байланысты 2020 жылдан бері әскери шерулер өткізілмейді.