Ауа райының қолайсыздығына байланысты Шымкент – Самара тасжолының Жалағаш ауданы тұсында жеңіл автокөлік жолдан шығып кеткен. Жүргізушінің қиын жағдайда қалғанын байқаған тәртіп сақшылары дереу әрекет етіп, көлікті сүйреп, оны жөндеу орталығына жеткізді. Жөндеу жұмыстары аяқталған соң, көлік иесі өз сапарын жалғастырып, полицейлерге алғыс айтты.
Тәртіп сақшылары жүргізушілерге алыс жолға шықпас бұрын ауа райы болжамдарын мұқият қадағалап, жол қызметтерінің ескертулеріне назар аударуды ескертеді. Сондай-ақ көліктің техникалық жағдайын алдын ала тексеріп, қажетті қауіпсіздік шараларын сақтаудың маңыздылығын тағы бір мәрте еске салады.