Журналистер осы кезеңде ет, жаңғақ, құрма бағасы қалай болатынын сұрады. Бұған жауап ретінде Арман Шаққалиев осы кезеңде сауда желілері керісінше акциялар өткізіп, бағаны төмендететінін жариялап, түрлі іс-шаралар өткізетін тәжірибе бар екенін айтты.
"Олар бұдан ақша табуды көздеп отырған жоқ, керісінше, өздерінің жомарттығын көрсету шараларын қабылдап, бағаны төмендетуге бағытталған түрлі акцияларды өткізуде. Біз бағаның құбылуын оразамен мүлдем байланыстырмаймыз", – деп қосты Сауда министрлігінің басшысы.
Қасиетті Рамазан айы 2025 жылдың 1 наурызында басталады. Бұл туралы Қазақстан мұсылмандары діни басқармасының (ҚМДБ) ресми мәлімдемесінде белгілі болды.