Жұма күні елдің басым бөлігінде атмосфералық фронттар әсер етеді.
"Осыған байланысты найзағай ойнап, жаңбыр жауады. Түнде оңтүстік-шығыстың таулы аймақтарында – жауын-шашын (жаңбыр, қар), Қазақстанның батысы мен оңтүстік-шығысында – бұршақ жауады. Тек Қазақстанның оңтүстік-батысында және солтүстік-батысында ауа райы құрғақ болады деп күтілуде", – деп хабарлады "Қазгидромет" РМК.
Республика бойынша жел күшейеді, батыста және оңтүстік-шығыста шаңды дауыл соғады. Еліміздің солтүстігі мен шығысында түнде және таңертең тұман түседі.
Қостанайдың шығысында, Шығыс Қазақстан облыстарының солтүстігі мен шығысында, сондай-ақ Абай облысының солтүстігі мен орталығында 1-3 градус аяз күтіледі.
Ақтөбе облысының солтүстігінде, Ұлытау облысында, сондай-ақ Ақмола облысының батысында топырақ бетінде 1-2 градус аяз күтіледі.
Күтілетін жоғары өрт қаупі:
- Қызылорда, Жамбыл және Түркістан облыстарында;
- Алматы облысының батысында және орталығында;
- Атырау және Қарағанды облыстарының оңтүстігінде;
- Ақтөбе облысының оңтүстігінде және оңтүстік-шығысында;
- Маңғыстау облысының солтүстік-шығысында, шығысында және орталығында;
- Ұлытау облысының орталығында;
- Жетісу облысының батысы мен оңтүстігінде;
- Шығыс Қазақстан облысының солтүстік-батысында және оңтүстігінде;
- Абай ауданының солтүстік-батысында, оңтүстігінде және орталығында.
Бұған дейін синоптиктер 2025 жылдың мамыр айында Қазақстанда ауа райы қандай болатынын айтқан болатын.