2022 жылдың 11 қарашасында Самарқандта мемлекет басшылары қол қойған хаттаманың мақсаты Нахичеван келісіміне тиісті өзгерістер енгізу болып табылады.
Хаттамамен енгізілген түзетулер хатшылықтың құжаттарын бекіту функцияларын Сыртқы істер министрлері кеңесіне, ал оларды түпкілікті қабылдау функцияларын Мемлекет басшылары кеңесіне жүктейді.
Түркітілдес мемлекеттердің Парламенттік ассамблеясы мен Түркі мәдениетінің халықаралық ұйымы туыс ұйымдар ретінде, ал Түркі академиясы мен Түркі мәдениеті мен мұрасы қоры еншілес ұйымдар ретінде айқындалды.
Сонымен қатар, түркітілдес мемлекеттердің ақсақалдар кеңесі туралы ереже "бекітілетін (қабылданатын)" емес, сыртқы істер министрлерінің кеңесімен "бекітілетін" болады. Сонымен бірге халықаралық форумдар ұйымның мониторингтік серіктестері ретінде Нахчыван келісімінен шығарылды.
Бұған дейін Парламент Мәжілісінің депутаттары бұл хаттаманы ратификациялаған болатын.