Бұл туралы 2025 жылғы 20 мамырда мемлекет басшысы Қасым-Жомарт Тоқаев мәдениет және өнер қызметкерлерін марапаттау рәсімінде сөйлеген сөзінде белгілі болды.
"Бүгін ұлттық өнердің майталманы Қайрат Байбосыновқа "Қазақстанның Еңбек Ері" атағы беріледі. Халқымыздың жан-дүниесін айшықтай көрсететін халық өнері әрдайым төрде болуы керек. Бұл марапат – әйгілі әншінің өлшеусіз еңбегі мен ұлттық өнерімізге деген ерекше құрметтің белгісі", – деді Қасым-Жомарт Тоқаев.
Содан кейін мемлекет басшысы Қайрат Әукенұлы Байбосыновқа "Қазақстанның Еңбек Ері" атағын беру туралы жарлыққа қол қойды.
Президент сөзін қорытындылай келе, мемлекет алдағы уақытта да мәдениет өкілдеріне жан-жақты қолдау көрсете беретінін атап өтті.