"Қазгидромет" РМК мәліметі бойынша, шілдеде Қазақстанның басым бөлігінде жаңбырлы тұрақсыз ауа райы сақталады, кей күндері қатты жаңбыр жауады, найзағай ойнайды, бұршақ жауады.
Республиканың оңтүстік жартысында қатты аптап ыстық және өте қатты ыстық күтілуде, шаңды дауыл соғуы мүмкін.
Республиканың батысында (Батыс Қазақстан облысында) бірінші онкүндіктің бірінші жартысында баяу жүретін циклонның әсерінен температуралық фон күндіз +18+26°С шегінде сақталады, онкүндіктің соңына қарай +28+33°С дейін жылы болады.
Атырау және Маңғыстау облыстарында күндіз ауа температурасының біртіндеп +25+33°С-тан +30+38°С-қа дейін көтерілуі күтілуде.
Солтүстік және орталық облыстарда ыстық ауа райы салқын ауа райына ауысады, онкүндіктің басында ауа температурасы күндіз +25+35°С дейін көтеріледі, кейін +18+23°С дейін төмендейді, Қазақстанның шығысында ең ыстық кезең онкүндіктің ортасында болжанады, ауа күндіз +30+38°С дейін жылынады.
1-5 шілде аралығында Қазақстанның оңтүстігі мен оңтүстік-шығысында ауа температурасы түнде +15+22°С-тан +25+30°С-қа дейін, күндіз +30+39°С-тан +40+46°C өте ыстық болады деп күтілуде. Тек онкүндіктің соңында ғана аптап ыстық басылады деп күтілуде. Температураның жоғарылауы болжамымен бұл аймақтарда төтенше өрт қаупі сақталады.
Шілденің екінші және үшінші онкүндігінде, ең ыстық күндері ауа температурасы көтеріледі:
- батыста, оңтүстікте, оңтүстік-шығыста, орталықта +33+42°С дейін,
- шеткі оңтүстікте – +46 ° C дейін,
- салқын күндері +23+28°С дейін төмендейді.
Республиканың солтүстік жартысы мен шығысында ауа температурасының құбылуы күтіледі:
- түнде +15+23°C-тан +7+12°C-қа дейін,
- күндіз +32+39°C-тан +18+23°C-қа дейін.
Бұған дейін синоптиктер Алматы, Ақтөбе және Астана тұрғындарына қолайсыз метеорологиялық жағдай туралы ескерткен болатын.