Қала әкімдігінің мәліметінше, 15 шілде сағат 23:00-ден бастап 16 қазанға дейін № 108 LRT станциясында құрылыс-монтаждау жұмыстары жүргізіледі.
"Осыған байланысты Қабанбай батыр даңғылы бойында Ұлы Дала даңғылынан Бұқар жырау көшесі бағытында қозғалыс ішінара шектеледі, жол бір жолаққа дейін тарылады. Кері бағытта қозғалыс өзгеріссіз қалады", делінген хабарламада.
Сурет: City Transportation Systems
Сапарларды алдын ала жоспарлау сұралады және уақытша қолайсыздық үшін кешірім сұралады.
Бұған дейін Алматыда жол салу үшін жеті жер телімі күштеп тәркіленгелі жатқанын жазғанбыз.