City Transportation Systems (CTS) компаниясының мәліметінше, депо – қозғалыс құрамының сенімді жұмысын, техникалық қызмет көрсетілуін және сақталуын қамтамасыз ететін көлік инфрақұрылымының негізгі бөлігі. Қазіргі уақытта депо құрылысының 50%-ы аяқталған.
"Кешенді орталыққа басқару орталығы, пайдалануға арналған депо, жөндеу депосы және локомотив депосы сияқты бірнеше негізгі нысан кіреді. Бұл орталық LRT техникасына қатысты барлық процесті – пайдалануды, жөндеуді және қызмет көрсетуді – бір жерден басқаруға мүмкіндік береді", - деді CTS өкілдері.
Қазіргі кезеңде пайдалану және локомотив депосындағы негізгі темірбетон және металл құрылымдарының жұмыстары аяқталып, ішкі қабырғаларды орнату жүріп жатыр.
"Кешенді орталық іске қосылғаннан кейін пойыз қозғалысы мен LRT инфрақұрылымының жай-күйіне тәулік бойы бақылау жүргізіледі. Бұл барлық 18 станция мен желінің тұрақты жұмысын қамтамасыз етеді. Құрылыс бекітілген кесте бойынша жүріп жатыр", - деп толықтырды CTS.