Мамандар мектепке дейінгі ұйымдарға қабылдау жыл бойы жүргізілетінін түсіндірді.
Сондай-ақ, департаменттің 2024 жылғы 4 тамыздағы хабарламасында кезекке тұру, құжаттарды қабылдау және жолдама беру бойынша мемлекеттік қызметтерді жергілікті атқарушы органдар "электрондық үкімет" веб-порталы немесе ақпараттық технологиялар объектілері арқылы берілетіні көрсетілген.
Балабақшаға қабылдау үшін құжаттар тізімі келесідей:
- қабылдауға жолдама;
- өтініш;
- көрсетілетін қызметті алушының (ата-анасының біреуінің немесе заңды өкілінің) жеке басын куәландыратын құжат немесе электрондық құжат қызметінен алынған цифрлық құжат;
- баланың туу туралы куәлігі немесе электрондық құжат қызметінің цифрлық құжаты;
- иммундау жазбасы, № 065/е нысаны;
- баланың денсаулық паспорты, № 052-2/у нысаны;
- куәлік, № 027/у нысаны;
- психологиялық-медициналық-педагогикалық кеңес алу қажеттілігі туралы қорытынды (ерекше білім беру қажеттіліктері бар балалар үшін).
Бұған дейін Еңбек және халықты әлеуметтік қорғау министрлігінің баспасөз қызметі Қазақстандағы көп балалы отбасылар мен марапатталған аналарға мемлекеттен көрсетілетін көмек туралы толық ақпарат берген болатын.