Жаңаөзен қалалық соты заң талаптарын бұзу дерегі бойынша әкімшілік істі қарап, мынадай заңбұзушылықтарды анықтады:
- Бірыңғай оператор тарапынан кепілдіктің болмауы,
- Үлескерлердің қаражатын тартуға жергілікті атқарушы органнан рұқсат болмауы,
- Екінші деңгейлі банкпен келісімшарт жасалмағаны.
Соған қарамастан, интернетте аталмыш тұрғын үй кешеніндегі пәтерлерді сату жөнінде жарнама таратылған. Бұл "Тұрғын үй құрылысына үлестік қатысу туралы" заң талаптарына қайшы келеді.
Әкімшілік құқықбұзушылық туралы кодекстің 320-бабының 1-бөлігіне сәйкес, үлестік құрылыс саласында шындыққа сәйкес келмейтін ақпаратты таратқаны үшін заңды тұлғаларға 300 айлық есептік көрсеткіш (АЕК) мөлшерінде айыппұл қарастырылған.
"Сот құрылыс компаниясын ӘҚБтК-нің 320-бабы 1-бөлігі бойынша кінәлі деп танып, оған 1,1 млн теңге көлемінде айыппұл салды", – делінген Маңғыстау облыстық соттарының ресми парақшасында жарияланған мәлімдемеде.
Қаулы заңды күшіне енді.