Қазақстандықтарға интернеттегі алаяқтарға байланысты сақ болуға шақырылады.
"Интернет көптеген мүмкіндіктер ашады, бірақ алаяқтарға қарсы сақ болу маңызды. Олар өздерін банк қызметкерлері ретінде таныстырып, күдікті сілтемелер жібере алады. Өз жинақтарыңызды қорғау үшін абай болыңыздар", – деп хабарлады ҚР ІІМ баспасөз қызметі.
ІІМ азаматтарды сондай-ақ былайша ескертті:
- SMS арқылы келген кодты ешкімге айтпаңыз;
- Банк картасының деректерін бөгде адамға бермеңіз;
- Өзін банк қызметкерімін деген бейтаныс адамға сенбеңіз;
- Күмән туса, банк картасында көрсетілген ресми нөмірге өзіңіз хабарласыңыз;
- Алаяқтық байқалса, полицияға хабарласыңыз.
Бұл ақпаратты достарыңыз бен туыстарыңызға жеткізіңіз. Әсіресе, жастар мен қарттарға ескерткен пайдалы. Алаяқ айласын асырмасын!
2025 жылғы 31 тамызда ІІМ Қазақстандықтарға ұқсас ескерту жасаған болатын. Сол кезде интернет алаяқтық құрбандарының жас мөлшері күннен-күнге төмендеп бара жатқаны атап өтілді.