Биыл Республика күні сенбіге түсіп отыр. Бұл демалыс күнін дүйсенбі, 27 қазанға ауыстыру есебінен қосымша бір күн демалыс береді. Нәтижесінде қазақстандықтар үш күн қатарынан: 25, 26 және 27 қазанда демалады.
2025 жылдың қазан айындағы демалыс күндері:
- бес күндік жұмыс аптасында: 25, 26, 27 қазан;
- алты күндік жұмыс аптасында: 25, 26 қазан – демалыс, 27 қазан – жұмыс күні.
Жалпы алғанда, бес күндік жұмыс аптасында қазан айында 9 демалыс күні және 22 жұмыс күні болады.
Республика күні – елдегі жалғыз ұлттық мереке. 1990 жылғы 25 қазанда Қазақ КСР Жоғарғы Кеңесінің қаулысымен Қазақ КСР-нің мемлекеттік егемендігі туралы декларация қабылданды.
Бес жылдан кейін, 1995 жылғы 18 қазанда Қазақстан Республикасы Президентінің Жарлығымен 25 қазан Қазақстан Республикасының ұлттық мерекесі – Республика күні болып жарияланды.