Өкімге сәйкес, Парламент палаталарының бірлескен отырысы 2026 жылғы 30 маусым күні сағат 11:00-де Астана қаласында өтеді.
"Қазақстан Республикасы Конституциясының 58-бабы 4-тармағының 2) тармақшасына сәйкес Қазақстан Республикасы Парламенті палаталарының бірлескен отырысы 2026 жылғы 30 маусымда сағат 11:00-де Астана қаласында шақырылсын", – делінген құжатта.
Айта кетейік, бұған дейін Президент Қасым-Жомарт Тоқаев БАҚ қызметкерлерін марапаттау рәсімінде 30 маусым күні өтетін Парламент палаталарының бірлескен отырысына қатысатынын мәлімдеген болатын.