Оның мәліметінше, осы кезеңде 95 мыңнан астам апелляциялық өтініш түскен. Олар тест тапсырмаларының мазмұнына және техникалық себептерге қатысты болған.
"152 өтініш қанағаттандырылды. Оның ішінде 7-еуі техникалық себептер бойынша, ал 145-і тест тапсырмаларының мазмұнына қатысты", – деді Наужан Дидарбекова.
Ол Ұлттық тестілеу орталығында тест тапсырмаларын әзірлеу ісіне ерекше көңіл бөлінетінін атап өтті.
"Тест тапсырмалары мемлекеттік жалпыға міндетті орта білім беру стандартының талаптарына және Оқу-ағарту министрлігі әзірлейтін оқулықтардың мазмұнына сәйкес дайындалады", – деді спикер.
Бұған дейін талапкерлердің ҰБТ-ға дайындалу барысында қандай көмекке жүгіне алатыны туралы ақпарат жарияланған болатын.