2026 жылғы 2 тамызда сағат 14:10-да "Баянауыл" мемлекеттік ұлттық табиғи паркінің Жасыбай орманшылығының 17-орамында орман өрті тіркелді.
Қазіргі уақытта өртті сөндіруге "Баянауыл" МҰТП-ның 21 қызметкері мен 2 өрт сөндіру автокөлігі, сондай-ақ ТЖД-ның 3 қызметкері жұмылдырылды.
Қосымша күш ретінде оқиға орнына "Баянауыл" МҰТП-ның 5 бірлік техникасы мен 18 қызметкері жіберілуде.
Сонымен қатар, Экология және табиғи ресурстар министрлігінің Павлодар қаласынан Ми-8 тікұшағы өрт орнына ұшуға дайындалып жатыр.
Жағдай Экология және табиғи ресурстар министрлігінің тұрақты бақылауында.