Кезекті қалалық жәрмеңке 5 және 6 қыркүйекте ұйымдастырылады.
"Жәрмеңкеде жергілікті шаруалар мен Қазақстанның әр өңіріндегі өндірушілердің өнімдері ұсынылады. Қала тұрғындары мен қонақтары көкөніс пен жеміс-жидек, ет, ұн және сүт өнімдерін, нан-тоқаш, табиғи шырындар, тосаптар және басқа да тауарларды тиімді бағамен сатып ала алады", – делінген әкімдік хабарламасында.
Жәрмеңке сенбі және жексенбі күндері сағат 10:00-ден 19:00-ге дейін Алаш тасжолы, 35Б мекенжайындағы "Keryen Joly" сауда орталығында өтеді.
Келушілерге ыңғайлы болу үшін жәрмеңке өтетін жердің маңынан №7, 11, 39, 41, 45, 53, 59, 81, 307 және 317 автобус бағыттары қатынайды.
Бұған дейін Алматы тұрғындарына ауыл шаруашылығы жәрмеңкесінің қайда және қашан өтетіні хабарланған еді.