Оның сөзінше, емтихан қабылдау және жүргізуші куәлігін беру жөніндегі қолданыстағы қағидалар жеке автодромдарда мемлекеттік емтихан өткізуге мүмкіндік бермейді.
"2027 жылғы 1 қаңтардан бастап автомектептерді хабарлама негізінде жұмыс істеуден рұқсат алу тәртібіне көшіру көзделген. Материалдық-техникалық базаға қойылатын талаптарды орындаған автомектептер тиісті тізілімге енгізіледі. Ал жеке автодромдарда емтихан қабылдау үшін бірқатар мәселені бөлек пысықтау қажет. Атап айтқанда, бірыңғай техникалық және қауіпсіздік талаптарын, емтихан өткізу, бейнебақылау жүргізу және нәтижелерді мемлекеттік цифрлық жүйеде тіркеу тәртібін белгілеу керек", – делінген министрдің жауабында.
Мәдиевтің айтуынша, осы мәселелер пысықталғаннан кейін нормативтік құқықтық актілерге тиісті өзгерістер енгізу мүмкіндігі қарастырылады.
Бұған дейін Қазақстанда жүргізуші куәлігін алу емтихандарын қашықтан тапсыру мүмкіндігін енгізу жоспарланып отырғанын жазған едік.