"Warner Bros студиясы "Хәрри Поттер мен қарғыс атқан бала" картинасын үлкен экранға шығару жолын іздеп жатыр" деп хабарладыThe Sun тілшісі дереккөзге сілтеме жасап.
Мұндай шешім Вест-Энд театрындағы (West End theatre) пьесаның танымалдығына байланысты қабылданған.
"Хәрри Поттер мен қарғыс атқан бала" фильмін түсіру жоспары бастапқы кезеңде екені нақтыланды.
Режиссерлер Дэниел Рэдклиффті өз рөліне оралуға шақыруды жоспарлап отыр.
"Фильммен жұмыс істеп жатқан әрбір жан Дэниел Рэдклиффті басты рөлді көргісі келіп жатыр. Алайда алдымен оның бөлімдерін белгілеп, сценарийін жазу керек және бюджет нақтылау қажет", - деп жазды The Sun.
Фильм үлкен экранға екі бөлімде шығады.
Басылымның хабарлауынша, Дэниелмен бірге Хәрри Поттер фильмдеріне түскен Гермиона Грейнджердің рөлін сомдаған Эмма Уотсон актерлік мансабын жалғастырса, Рон рөлімен танымал Руперт Гринт жылжымайтын мүлік саласында бизнеске кеткен.
