Бұл туралы 2026 жылы 27 шілдеде ҚР Мәдениет және ақпарат министрлігінің баспасөз қызметі хабарлады. Ведомство мәліметінше, қабырға бақылау барысында жыл сайын оның 10-15 сантиметрге ығысатыны анықталған.
"Жоспарға сәйкес, шығыс қақпадан бастап 32 метр аумақ қалпына келтіріледі. Ал апатты жағдайда тұрған қабырға бөлігінің жалпы ұзындығы – 40 метр. Қорған қабырғасы 2000 жылдары археологиялық зерттеулерге сәйкес қайта қалпына келтірілген. Бұл жолғы ғылыми-реставрациялық жұмыс кезінде іргетасы нығайтылып, апатты бөліктен алынған жарамды материалдар сақталып, солардың көмегімен қабырғаның бүлінген бөлігі қайта қаланады. Жүргізіліп жатқан жұмыстар қабырғаның одан әрі бүлінуіне жол бермей, цитадельдің солтүстік-шығыс бөлігінің тарихи келбетін сақтауға мүмкіндік береді", делінген ведомство хабарламасында.
Сурет: ҚР Мәдениет және ақпарат министрлігінің баспасөз қызметі
Ғылыми реставрацияны 2026 жылдың соңына дейін аяқтау жоспарланған.
Сурет: ҚР Мәдениет және ақпарат министрлігінің баспасөз қызметі
Бұған дейін Ясауи іліміне қатысты XVII ғасырдағы сирек қолжазба Мәскеуден табылғаны хабарланған.