Бұл туралы 29 желтоқсанда Twitter-дегі аталған вакцинаны өндірушілердің парақшасында жарияланған хабарламада айтылады.
Ресейдің тікелей инвестициялар қорының мәліметінше, мұрынға себетін вакцина, әсіресе "омикрон" штаммына қарсы тиімділік танытады.
Коронавирусқа қарсы мұрынға себетін вакцинасына клиникалық зерттеу жүргізу Гамалея атындағы орталықта өткен айдың соңында қолға алынды. Орталық басшысы Александр Гинцбургтің айтуынша, мұрынға вакцинаны тамызған адам COVID-19-ды таратушы болмайды.
Оның айтуынша, вакцина әдеттегі егу қажеттілігін жоймайды, бірақ оған қосымша көмек болады, бұл инфекцияның таралуына тағы бір тосқауыл амалы секілді рөл атқарады.
