Елордада коронавирустың «омикрон-штаммы» тарауы жалғасуына байланысты қаладағы эпидемиология жағдайы нашарлап, шиеленісті күйінде қалып отыр. Егер 22 маусым мен 5 шілде аралығында 414 адам тіркелсе, кейінгі екі аптада 3970 коронавирус жұқтыру тіркеліп, аурушаңдық 9,5 есеге өсті.Нұр-Сұлтанның бас мемлекеттік санитар дәрігері Сархат Бейсенова
Коронавирус жұқтырғандар тәулігіне 586-ға жетіп отыр. Эпидемиология жағдайын бағалаудың жаңа матрицасы бойынша қала «сары» аймаққа жақындады.
Маусым айында коронавирус жұқтырған науқастардың отыз оң үлгісіне молекулярлық-генетикалық зерттеу жүргізілді. Генотиптеу нәтижесі көрсеткендей, 30 үлгінің 6-сы (20%) BA.1 Omicron генетикалық желісіне, 30-ның 9-ы (30%) BA.5 Omicron генетикалық желісіне, 30-дың 15-і (50%). үлгілер BA.2 стелс-омикрон («Stealth-omicron») генетикалық сызықтарына жатады. Бүгінде басым генетикалық сызық BA.2 стелс-омикрон («Stealth-omicron») болып қала береді.Сархат Бейсенова
Елорданың бас санитар дәрігерінің айтуынша, кіші түрі бар «омикрон-штамм» жоғары жұқпалылығымен ерекшеленеді, барлық жастағы адамдар инфекцияға бейім. Алайда 20-30 жас аралығындағы адамдар жиі ауырады. Ол сонымен қатар дельта штаммына қарағанда жұқпалы.
Клиникалық белгілері: шаршау, бас ауруы және дене қызуының көтерілуі.
Өкінішке қарай, вакцинацияланған адамдарда коронавирустан айыққандар сияқты уақыт өте келе ағзаны инфекциядан қорғау деңгейі төмендейді. Нәтижесінде адам қайтадан инфекцияға бейім болады. Осыған байланысты бастапқы вакцинация курсын алғаннан кейін алты айдан кейін CVI-ға қарсы ревакцинацияны алу ұсынылады. Соымен қатар егер сізде ПТР сынамасы оң болса немесе пациенттермен тығыз қарым-қатынаста болсаңыз, онда CVI таралуын болдырмау жөніндегі ведомствоаралық комиссияның шешіміне сәйкес, қашықтағы жұмыс түріне ауысу керек екенін еске салғым келеді. Осы себепті тұрғындардан саналы болуды пен тәртіп сақтауды сұраймын.Сархат Бейсенова
