Кейінгі жарты жылда елде коронавирустан 785 адам қайтыс болды. Негізгі сан қаңтар-ақпан айларында үлкен жүктеме болған кезде тіркелді. Мысалы, қаңтарда 311 адам, ақпанда 411, наурызда 54 адам, сәуірде үш, мамырда үш, маусымда бір, шілдеде екі адам қайтыс болды.ҚР Денсаулық сақтау вице-министрі Вячеслав Дудник
Еліміздің бас мемлекеттік санитар дәрігері Айжан Есмағамбетова Денсаулық сақтау министрлігінің коронавирустан қайтыс болғандар туралы статистиканы жариялауды неліктен тоқтатқанын түсіндірді.
Біріншіден, біздің елде өлім-жітім деңгейі өте төмен және жеңіл ағымымен сипатталатын омикрон штамы басым. Екіншіден, маусым айынан бастап COVID-19-дан қайтыс болған жағдайлардан 1-2-еуі ғана тіркелді. Сондықтан оны күнделікті берудің қажеті жоқ.Айжан Есмағамбетова