ҚР ДСМ маймыл шешегі жайлы: Африка елдерінен келгендерге баса назар аударылады

ҚР ДСМ Санитариялық-эпидемиологиялық бақылау комитеті маймыл шешегіне қатысты соңғы деректерді жариялады, деп хабарлайды Zakon.kz.

ДДСҰ деректері бойынша маймыл шешегінің таралуы жөніндегі әлемдегі жағдай туралы жедел ақпаратқа сүйенсек, бүгінгі таңда әлемнің 94 елінде 35 218 жағдай тіркелген, оның ішінде алдыңғы қатарда мына 10 мемлекет тұр:

• АҚШ – 11177,

• Испания – 5719,

• Германия – 3102,

• Ұлыбритания – 3017,

• Франция – 2659,

• Бразилия – 2465,

• Канада – 1070,

• Нидерланды – 1025,

• Португалия – 770,

• Перу – 654,

Бүгінгі күні маймыл шешегінен 10 кісі өлімі тіркелді (Испания – 2, Бразилия – 2, Перу – 1, Гана – 1, Эквадор – 1, Үндістан – 1, Панама – 1, Оңтүстік Корея – 1).

Маймыл шешегі бойынша Қазақстандағы ахуал:

Бүгінгі күні Қазақстан Республикасында маймыл шешегі ауруына күдікті жағдай тіркелген жоқ. Осы инфекцияның әкелінген жағдайлары тіркелген Африка елдерінен және басқа елдерден келген азаматтарға ерекше назар аударылады. Қолайсыз елдердің тізімі үнемі жаңартылып отырады, делінген хабарламада.