Оның айтуынша, елде тұмау вирусының таралуы жыл сайын қараша айында басталып, сәуір айының ортасына дейін жалғасады.
Алдағы эпидемиялық маусымда ДДҰ деректері бойынша вирустың A (H1N1), A (H3N2) және В штаммдары өзекті болады, олар 2022/2023 эпидемиялық маусымға арналған вакцинаға енгізілген.Айжан Есмағамбетова
Ол өткен жылы ЖРВИ-мен 3,9 миллион адам ауырғанын және 2019-2020 жылдардағы эпидемиялық маусыммен салыстырғанда республикада аурушаңдық 1,3 есеге өскенін айтты. Қарағанды облысынан басқа барлық өңірлерде өсім байқалды. 80% жағдай балалар мен жасөспірімдерде кездеседі.
Бұған қоса жыл сайын айналымдағы штаммдардың өзгеруі байқалады, өткен маусымда тұмау вирусының 2 штаммы: А (H3N2) және В таралды, барлығы 915 тұмау жағдайы анықталды, секвенирлеу нәтижелері бойынша бұл штаммдар вакцина штаммдарына сәйкес келді. Айжан Есмағамбетова
Қазақстанда тұмаудан басқа, тұмау вирусына жатпайтын вирустар да таралып жатыр. Өткен маусымда барлығы 10 мыңнан астам сынама зерттелді, риновирус, РС вирусы, аденовирусты инфекция, парагрипп, метапневмовирус, бокавирус инфекциясы анықталды.
Бас санитариялық дәрігер аурудың алдын алудың ең тиімді жолы екпе екенін атап өтті.
