Астана қалалық сотында өткен сот отырысында адвокат Нұрлан Бейсекеев Елжан Біртанов ауруының өршуіне байланысты медицина көмегін сұрағанын, қазір денсаулығына байланысты емделіп жатқанын айтты.
"Кеше таңертең Елжан Амантайұлы (Біртанов. – Ред.) тергеу изоляторында жатып алған ауруын асқындырып жіберді. Жағдайының ауырлауы бірінші рет емес, оған бірнеше рет шұғыл операция жасау ұсынылғанын білеміз. Белгілі бір жағдайларға байланысты ол операцияны кейінге қалдырды. Ал қазір сол шиеленіс қайталанды. Ол қазір белгілі бір дәрежеде қозғалмай қалды".Нұрлан Бейсекеев
Адвокаттың айтуынша, Елжан Біртанов уақытша еңбекке жарамсыздық парағының көшірмесін жіберген, құжат сотқа берілген. Отырыс 6 қаңтарға ауыстырылды, қорғаушы тараптың апелляциялық сотты толығымен даулау туралы өтініші бойынша шешім қабылдау жоспарланып отыр.
2022 жылғы 28 қазанда бірінші инстанциядағы сот Елжан Біртанов пен Олжас Әбішевті ҚР Қылмыстық кодексінің 361-бабы, 4-бөлігі "Лауазымды өкілеттіктерді теріс пайдалану" бойынша қылмыстық құқық бұзушылықты жасағаны үшін кінәлі деп таныды. Біртановқа бес жыл мерзімге бас бостандығын шектеу, Әбішевке төрт жыл мерзімге бас бостандығын шектеу жазасы тағайындалды. Сотталғандардың екеуіне де өмір бойына мемлекеттік қызметті атқаруға тыйым салынған.
Сонымен қатар Әбішев пен Біртанов Денсаулық сақтау министрлігінің пайдасына 1,3 млрд теңге төлеуге міндеттелді.
Астана қалалық сотында апелляциялық шағымды қарау кезінде қорғаушы бірінші сатыдағы соттың қылмыстық іс жүргізу заңнамасын бұзу фактілеріне сілтеме жасай отырып, сот тергеуін қайта бастау туралы өтініш білдірді. Апелляциялық сот бұл өтінішті қанағаттандырудан бас тартты. Одан кейін Нұрлан Бейсекеев сот алқасының шығарылғанын жариялады, қорғау және айыпталушылар адвокаттың ұстанымын қолдады.
