Төрт адам жансақтау бөлімшесінде жатыр, тағы бес бала мен төрт ересек адам улы газға тұншығып, аурухана төсегіне таңылды, деп хабарлайды Zakon.kz pavlodarnews.kz басылымына сілтеме жасап.
- 3 сәуір күні сағат 20:51 Ақсудағы Б.Момышұлы көшесінде орналасқан жеке тұрғын үйден өрт шыққаны жайлы хабар келіп түсті. Куәгерлердің айтуынша, қаза болған адамның жұбайының туған күні болыпты. Қонақтар дастархан басына жайғасқан соң, елу жастағы үй иесі сыртқа шығып кеткен, артынша бензин құйылған бес литрлік канистрамен келіп, балаларды алып кетуді сұрайды. Жұбайы оның өтінішін орындаған соң, ер адам сіріңке алып, өзін өртеп жіберген. Ал оған кедергі жасамақ болған достарын күйік шалып, олар Ақсудың орталық ауруханасына жатқызылды. Қайғылы жағдайдың нәтижесінде ер адам қаза тапты, тағы 13 адам жансақтау бөлімшесінде жатыр, улы газға тұншыққан бес ересек адам мен төрт бала жансақтау бөлімшесіне жеткізілді, - деп хабарлап отыр жедел жәрдем стансасының баспасөз қызметі.
Жалын 30 шаршы метр аумақты шарпып үлгерген. Үш бөлмелі үйдің ішіндегі ас үй, жиһаз, тұрмыстық техника және үй заттары толықтай өртеніп кеткен. Үй шатыры да жартылай опырылған.
