Бұл жолы құбыр Райымбек даңғылы бойында "Максим" сауда орталығының маңында жарылған, деп хабарлайды Zakon.kz.
Бұл арадағы құбыр 1977 жылы пайдалануға берілген екен, құбыр әбден тозғандықтан жарылған. Қазіргі уақытта төтенше жағдайлар қызметкерлері оқиға орнында жұмыс істеуде.
Жарақат алып, зардап шеккендер жоқ.
Айта кетсек, кеше Алматыда Рысқұлов пен Бөкейханов көшесінің қилысы маңында құбыр жарылып, ыстық су атқылаған. Үш көлік орта белден ыстық судың астында қалған. Оқиға орнындағы адамдар көлік үстіне, биік жерге шығып, жан сауғалаған.