Алматыда 15 жастағы жасөспірім 62 жастағы ер адамды бейсбол таяғына ұқсас битамен ұрып, алған соққыдан қарт кісі жан тапсырды, деп хабарлайды zakon.kz Astana телеарнасына сілтеме жасап.
Үйінен дүкенге шыққан кісінің алдын қара джип кес-кестейді. Көліктен түскен бала қарт кісіні битасымен бастан ұрған.
Оқиға орнына келіп жеткен жедел жәрдем бригадасы ер адамды құтқара алмады, ол бірнеше минуттан кейін көз жұмды. Жасөспірім қашып кетті.
Күдікті келесі күні ұсталды. 15 жастағы Алматы тұрғыны екен. Қазір ол қамауда, оның не себепті кісі өлтіргенін полиция анықтайды.
