Қарағанды облысында тас жолда болған жол апатынан екі адам қайтыс болды, деп хабарлайды zakon.kz.
Жол апаты "Нұр-Сұлтан-Теміртау" тасжолында елордаға қарай бағытта орын алды. Алдын ала мәліметтер бойынша, екі жүк көлігінің арасына Foton жеңіл көлігі қысылып қалған. Апат салдарынан екі адам қаза тапты - Foton автокөлігінің жүргізушісі мен жолаушысы. Апат себептері мен мән-жайы анықталуда, делінеді Қарағанды облысы ПД таратқан хабарламада.
Апат орнында "Қазавтожола" ҰК" АҚ-тың 13 техникасы келді.
"ҚазАвтоЖол" ҰК" АҚ автокөлік жүргізушілеріне жол ережелерін сақтау, белгіленген жылдамдықты, қозғалыс аралықтарын сақтау және негізсіз маневрлер мен кенеттен тежегішті басудан аулақ болу керектігін ескертеді.
Сонымен қатар ұзақ жолға тек қысқы шиналармен шығуға кеңес береміз. Төтенше жағдай туындаған кезде сіз әрқашан 1403 шұғыл нөміріне хабарласа аласыздар, деп хабарлайды баспасөз қызметі.
