Алматыда ер адам бала күтушіні сабап, өзінің бұрынғы әйелін өлтірмек болды, деп хабарлайды zakon.kz.
Бұл жаға ұстатар оқиғаны SVET қоғамдық қорындағылар баяндап берді.
Қордың баяндауынша, 28 мамырда бұрынғы күйеуі әйелінің үйіне түнде тығылып кірген.
Өзімен пышақ ала шыққан ер адам бала күтушіні аңдып жүріп, бұрынғы әйелінің тұрып жатқан жерін тауып алған. Ер адам алдымен бала күтушіні ұрып-соғып, содан кейін ұйықтап жатқан әйелінің үстінен түскен. Ол оның үш жеріне пышақ сұғып, қолына ұсақ жарақаттар келтірген. Әйел қарнына, аяғына бағытталған пышақтан дер кезінде айналып кетіп, қаскөйден сытылған. Бұл кезде бала күтуші мен көршілері полиция мен жедел жәрдем шақырған. Полиция қылмыскерді ұстады, бірақ ол онда ұзақ болмады, келесі күні-ақ ер адам оған қоңырау шалып, хат жазып, қоқан-лоқы көрсеткен. Бұл жайтта "өзім кінәлімін" деп айт дегенге көндіруге тырысқан, - дейді қоғам белсенділері.
Қазіргі уақытта қылмыскер бостандықта.
Қордың хабарлауынша, әйелге қазір қысым көрсетілуде. Жәбірленуші психологиялық терапиядан өтіп жатыр.
Айта кету керек, ерлі-зайыптылардың бірге тұрмағанына 3 жыл болған.