Атырау облысы боксшылары құрамасының үш спортшысы - Еламан Рахметолла, Нұркен Нұрымов және Сұңқар Тельманов жол апатынан қайтыс болды, деп хабарлайды zakon.kz.
- Біз Атырау облыстық бокс құрамасының мүшелері Еламан Рахметолла, Нұркен Нұрымов және Сұңқар Тельмановтың жол-көлік апатынан қайтыс болуына байланысты марқұм боксшылардың туған-туыстарына көңіл айтамыз. Дарынды жігіттер жастар құрамасынан енді ғана ересектер боксына ауысып, алдарынан үлкен үміт күттірген еді, - деді Федерация Sputnik агенттігіне берген сұқбатында.
Үш спортшының да 2000 жылы туылғаны белгілі, бірақ апаттың қалай болғаны туралы нақты мәлімет жоқ. Олар өз аймағының ұлттық құрамасының дарынды спортшылары еді.
