Түркістан облысының мас тұрғыны Нұр-Сұлтан әуежайын шулатты

Көліктегі полиция департаменті
Ол бірден 3 бап бойынша әкімшілік жауапкершілікке тартылды.

28 наурызда Нұр-Сұлтан әуежайындағы Желілік полиция бөлімінің кезекші бөліміне әуежай қызметкерінен қоғамдық тәртіпті бұзған ер адам туралы хабарлама келіп түсті, деп хабарлайды zakon.kz Көліктегі полиция департаментінің баспасөз қызметіне сілтеме жасап.

Ол Түркістан облысының 26 жастағы тұрғыны болып шықты.

Көлік полицейлері тексеру кезінде құқық бұзушының қоғамдық орында мас күйінде болып өзін агрессивті ұстағанын, электронды темекі шегіп, ескертулерге құлақ аспағанын, осылайша қоғамдық тәртіпті бұзғандығын анықтады.

Сондай-ақ, ер адам құқық қорғау органы қызметкерінің заңды талабына бағынбаған.

Медициналық куәландыру қорытындысына сәйкес, оның орташа дәрежедегі алкогольдік масаң күйде болғандығы анықталды.

Ұсталған азаматқа қатысты ҚР ӘҚБтК-нің 440-бабының 1-бөлігі, яғни алкогольдік ішімдіктерді iшу немесе қоғамдық орындарға масаң күйде келу, 441-бабының 1-бөлігі, яғни Қазақстан Республикасының заңнамасымен тыйым салу белгіленген орындарда темекі бұйымдарын, оның ішінде тұтынудың электрондық жүйелерін тұтынуға тыйым салуды бұзу және 667-бабының 1-бөлігі, яғни құқық қорғау органы қызметкерінің заңды өкіміне немесе талабына бағынбау бойынша бірден үш әкімшілік хаттама толтырылды. ҚР Әкімшілік құқық бұзушылық туралы Кодексіне сәйкес оған 20 АЕК көлемінде айыппұл салынды.

Құқық қорғау органы қызметкерінің заңды талабына бағынбау фактісі бойынша материал Нұр-Сұлтан қаласының мамандандырылған ауданаралық әкімшілік сотына процестік шешім қабылдау үшін жолданды.

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Тоқаев мәслихат сайлауына қатысты тапсырма берді

Атырау тұрғыны смарт-сағат үшін жанжал шығарып, үш жылға сотталды

Студент қыз сегізінші қабаттан құлап, аман қалды

Сабақтан қалу ерекше бақылауға алынады: Қазақстанда 21 қарашадан бастап жаңа ережелер енгізіледі

Ренат Айтаев президент Әкімшілігінің мемлекеттік бақылау бөлімінің меңгерушісі болып тағайындалды