19 қазанда әлеуметтік желілерде қоғамдық резонанс тудырған қыздар төбелесінің видеосы тарап кетті, деп хабарлайды zakon.kz.
Атырауда студент қыздар көшеде жаға жыртысты
Ювеналды полиция қызметкерлері тексеру кезінде төбелеске 15 жастағы үш қыз қатысқанын анықтады. Олар қаладағы колледждердің бірінде оқитын бірінші курс студенттері, деді Атырау облысы полиция департаментінің баспасөз қызметі.
Қыздардың айтуынша, төбелес бір-біріне намысқа тиетін сөз айтудан басталды. Ерегестің арты төбелеске ұласты.
Үш қыздың ата-анасы полиция бөліміне шақырылып, оларға қатысты ҚР ӘҚБтК-нің 435-бабы (Кәмелетке толмағандар жасаған ұсақ бұзақылық) бойынша, әкімшілік хаттамалар толтырылды. Жиналған құжаттар заңды шешім қабылдау үшін кәмелетке толмағандардың істері жөніндегі мамандандырылған ауданаралық әкімшілік сотқа жіберілді, деп толықтырды Атырау облысы ПД баспасөз қызметі.
Сонымен қатар, тәртіп сақшылары ата-аналары мен мұғалімдерінің қатысуымен аталған жасөспірімдер оқитын колледж студенттерімен профилактикалық әңгімелесу өткізді.
Бақытжан Отарбаева