Қаржы мониторингі агенттігі Қостанай облысында "Қазпочта" қызметкерінің зейнетақыны ұрлау фактісін анықтады, деп хабарлайды Zakon.kz.
"Алау-ТВ" мәліметі бойынша Октябрь кентінің Лисаков пошта байланысы бөлімшесінің бастығы 2020 жылдың қазан айынан 2021-дің шілдесіне дейін қарт әйелдің зейнетақысын өзі алып отырған.
Қызметтік жағдайын асыра пайдаланған басшы ақша алуға құқық беретін кассалық-шығыс ордерін жасатып, "Ақша алушы" жолағына зейнеткердің атынан қол қойып отырған.
Қарт әйелдің зейнетақы шотынан барлығы 440 мың теңге қолды болыпты.
"Қазпошта" қызметкері екі жылға бас бостандығынан айырылды. Бұдан басқа, ол мемлекеттік қызметте, жергілікті өзін-өзі басқару органдарында, тауар-материалдық жауапкершілікпен байланысты қаржы ұйымдарында үш жыл мерзімге белгілі бір лауазымдарды атқару құқығынан айырылды.
