Түнде өрт шығып, 120-ға жуық тұрғын эвакуацияланған "Алтын Бұлақ-2" ТК ауласында Алмалы ауданының әкімі Ержан Сейтеновтың және қалалық қызмет өкілдерінің қатысуымен жиналыс өтті, деп хабарлайды Zakon.kz.
Аудан әкімі тұрғын үй кешені тұрғындарының сұрақтарына жауап берді. Адамдар қашан және кімнің есебінен тұрғын үйді қалпына келтірілетінін, өз пәтерлеріне қашан орала алатындықтарын сұрады. Қазіргі уақытта тұрғындардың бір бөлігі қонақ үйлерде тұруға немесе пәтер жалдауға мәжбүр.
Сурет: Zakon.kz
Қазір біз барлық қажетті құжаттарды жинап жатырмыз. Өрттің шығу себебі – тоқ сымындағы қысқа тұйықталу. Қазіргі уақытта Алматы қаласы ТЖД қызметкерлері барлық қабаттар мен кіреберістерде жұмыс істеп жатыр, олар барлық шахталарды, барлық электр сымдарын тексереді. Оның ішінде өрт, түтін дабылдарын да. ТЖД өкілі
Өз кезегінде Ержан Сейтенов тұрғындарға белгілі бір залал келтірілгенін атап өтті. Оның айтуынша, оның барлығы жойылуы тиіс.
Мен ертеңнен бастап өртке қарсы қауіпсіздік бойынша толық тексеруді бастау туралы тапсырма беремін. Екі апта ішінде олар толығымен тексеріледі. Екі аптадан кейін мен өз алдарыңызға жекелей келіп, оның нәтижесін хабарлаймын. Екі аптадан кейін кінәлі адам жазаланады. Алмалы ауданының әкімі Ержан Сейтенов
Сурет: Zakon.kz
Сонымен қатар, өрт сөндіру кезінде бүлінген пәтер есіктерін қалпына келтіру міндеті тұр.
Жиналыстан кейін біз әр пәтерге бас сұғып, тұруға жарамды-жарамсыздығын қарайтын боламыз. Алмалы ауданының әкімі Ержан Сейтенов
"Жөндеу жұмыстарына кеткен шығындарды кім өтейді" деген сұраққа әкім жауап берген жоқ, тек барлығын қарап, тексеру керек екенін ғана айтты.
Сурет: Zakon.kz
Сурет: Zakon.kz
Сурет: Zakon.kz
Сонымен қатар, ТК тұрғындарының айтуынша, 11 наурызда паркингте осындай өрт орын алған, ол кезде көліктер отқа оранған, бірақ содан бері ештеңе өзгерген жоқ, ешқандай шаралар қабылданған жоқ. Бұл жолы дабыл мен ауа алмастыру желісі де іске қосылмады.
Сурет: Zakon.kz
Сурет: Zakon.kz
