Владимирский мен Ғұмаров көшелерінің қиылысында полицейлер Lada Priora көлігінің жүргізушісін тоқтатпақ болған. Жүргізуші тоқтаудың орнына, 4-Авангард ықшамауданындағы үйлердің біріне тоқтап, көліктен түсіп, көпірге қарай жүгіре жөнеліпті.
Ол Жайық өзеніне жүгіріп барып, суға секіріп кеткен. Патрульдік полиция инспекторлары Жексенбек Нұрымов пен оның әріптесі Данабек Сақауов мас жүргізушіні ұстады.
33 жастағы жігіттің жүргізуші куәлігі жоқ болып шықты. Ол көлікті мас күйінде айдағандықтан, полицейлерді көргенде, өзенге секіріп, қашып құтылмақ болған.
Оған қатысты әкімшілік хаттамалар жасалып, құжаттар сотқа жолданды.
