Қостанай облысы прокуратурасының баспасөз қызметі оқиға 5 мамыр күні болғанын мәлімдеді.
5 мамырда сағат 11.30 шамасында Қостанай ауданының аумағындағы орман алқабында Қостанай қаласы прокуратурасы Қоғамдық мүдделерді қорғау бөлімінің аға прокурорының ағашқа асылған күйдегі мәйіті табылды. Өзіне-өзі қол жұмсау фактісі Сотқа дейінгі тергеп-тексерулердің бірыңғай тізілімінде тіркелді және мүдделілікті болдырмау мақсатында сотқа дейінгі тергеп-тексеруді жүргізу Қостанай ауданының полиция бөліміне тапсырылды. Қостанай облысының прокуратурасының баспасөз қызметі
Ведомство өкілі оқиғаның себебі анықталып жатқанын айтты.
Прокуратураның мәлімдеуінше, марқұмның прокуратура органдарында қызмет еткеніне 4 жыл болған. Оның артында жұбайы мен қызы қалды.