Павлодар облысы ТЖД баспасөз қызметі хабарлағандай, шақырту орнына 7 техника мен жеке құрамның 40 адамы жіберілді.
"Өрт сөндірушілер оқиға орнына келіп жеткенде шатырдың 800 шаршы метрін және ауданы 8 шаршы метрді құрайтын екі балконның өртеніп жатқанының куәсі болды. Өрттің шығу себебі анықталу үстінде", делінген хабарламада.
Құрбандар мен зардап шеккендер жоқ.
30 адам, оның ішінде 7 бала, сондай-ақ 12 газ баллоны эвакуацияланды.
Сағат 19:41-де өрт толықтай сөндірілді.
Бұған дейін Екібастұзда екі қабатты тұрғын үйдің шатыры өртеніп жатқаны хабарланған болатын.
