Жүзу үшін жабдықталмаған, су толтырылған шұңқырда жеті жасар бала суға бата бастаған. 4 шілдеде ол 13 жастағы үлкен ағасымен бірге тоғанға «аяқтарын сулау» үшін келген.
Бала суға тайып, батып кете бастады. Жағада тұрған аға көмекке ұмтылып, баланы жағаға шығарған. Бірақ жасөспірімнің өзі терең шұңқырға бата бастады. Оның өз бетімен шығуға күші қалмады, деп хабарлайды Petropavlovsk.news.
Осы кезде қасынан 15 жасар Аслан Гималетдинов өтіп бара жатқан. Көмек сұрап айғайлаған жеткіншек суға жүгіріп кеткен. Ол суға батып бара жатқан адамға судан жағаға шығуға көмектескен.
"Мен мүмкіндігінше суға түсіп, балаға қолымды создым. Ол қолымнан мықтап ұстап алды. Оны жағаға шығардым. Екі ағайынды да есеңгіреп қалды. Мен мүмкіндігінше тынышталдырдым", - деді жасөспірім.
Солтүстік Қазақстан облысы Төтенше жағдайлар департаменті баспасөз қызметінің хабарлауынша, Аслан Ғималетдинов суға түскен кезде аяғын ауыр жарақаттап алған. Оқиға орнына жеткен дәрігерлер құтқарушы мен зардап шеккен балаларға алғашқы медициналық көмек көрсетті, деп жазады Qazaqstan Media.
Бұған дейін 5 шілде күні кешке 16 жастағы екі жасөспірімнің жабдықталмаған жерде суға батып кеткені белгілі болған. Оларды судан Төтенше жағдайлар департаментінің қызметкерлері алып шықты.
